Wezîrên karên derve yên Pakîstan, Erebîstana Siûdî, Tirkiye û Misirê, di çarçoveya hewildanên kêmkirina rageşiya şerê li Rojhilata Navîn de, li Îslamabada paytexta Pakîstanê civiyan.
Wezîrê Karên Derve yê Pakîstanê Ishaq Dar daxuyand ku di hevdîtinên çaralî de ku roja yekşemê dest pê kirine, hewildanên dîplomatîk ên ji bo kêmkirina tansiyona li herêmê hatine nirxandin. Hat diyarkirin ku dê civîn roja duşemê jî berdewam bikin.
Di hevdîtinan de Wezîrê Karên Derve yê Misirê Bedr Abdelatty, Wezîrê Karên Derve yê Tirkiyeyê Hakan Fidan û Wezîrê Karên Derve yê Erebîstana Siûdî Feysel bîn Ferhan beşdar bûn.
Beriya civîna li Pakîstanê, ku di navbera DYA û Îranê de rola navbeynkariyê digire ser xwe, li paytextê tevdîrên ewlehiyê hatin zêdekirin. Derdora Wezareta Karên Derve û "herêma sor" a ku nûneratiyên dîplomatîk lê ne, ji trafîkê re hatin girtin.
